ग्लोबल गडचिरोली न्यूज,
गडचिरोली, ता. १७ : छत्तीसगडच्या सीमेजवळ वांडोली गावाजवळच्या जंगलात झालेल्या भीणष चककीत पोलिसांनी १२ माओवाद्यांना कंठस्नान घातले आहे.
बुधवार (ता. १७) सकाळी १० वाजता गडचिरोली येथून अपर पोलिस अधीक्षक (अभियान) यांच्या नेतृत्वात ७ सी ६० पथकांना माओवादविरोधी अभियानासाठी वांडोली गावातील छत्तीसगड सीमेजवळ पाठवण्यात आले होते. या १२ ते १५ माओवादी तळ ठोकून असल्याची माहिती पोलिसांनी मिळाली. त्यानंतर दुपारी जोरदार गोळीबार सुरू झाला आणि संध्याकाळी उशिरापर्यंत ६ तासांहून अधिक काळ अधूनमधून चकमक सुरूच होती. परिसरात केलेल्या शोधानंतर आतापर्यंत १२ माओवाद्यांचे मृतदेह सापडले आहेत. आतापर्यंत ३ एक ४७, २ इन्सान्स रायफल, १ कार्बाइन, १ एसएलआर यासह ७ ऑटोमोटिव्ह शस्त्रे जप्त करण्यात आली आहेत. माओवाद्यांचा विभागीय कमांडर लक्ष्मण आत्राम, विशाल आत्राम, टिपागड दलमचा प्रभारी हे मृत माओवाद्यांपैकी एक असल्याची ओळख पटली आहे. माओवाद्यांची पुढील ओळख आणि परिसरात शोध सुरू आहे. या चकमकीत सी ६० चा एक पोलिस उपनिरीक्षक आणि एक जवान गोळी लागून जखमी झाले आहेत. ते धोक्याबाहेर असून त्यांना बाहेर काढण्यात आले.तसेच त्यांना नागपूरला हलवण्यात आले आहे. राज्याचे उपमुख्यमंत्री, गृहमंत्री तथा गडचिरोली जिल्ह्याचे पालकमंत्री देवेंद्र फडणवीस यांनी पोलिसांच्या या यशस्वी कामगिरीचे कौतुक केले असून या अभियानात मिळवलेल्या यशाबद्दल सी ६० कमांडो आणि गडचिरोली पोलिसांना ५१ लाख रुपयांचे रोख बक्षीस जाहीर केले आहे.
