ग्लोबल गडचिरोली न्यूज,
गडचिरोली, ता. १३ : ग्रामीण भागात पायाभूत सुविधा सुधारण्याच्या आणि जनस्वास्थ्याला चालना देण्याच्या दिशेने एक महत्त्वपूर्ण पाऊल टाकत लॉइड्स इन्फिनिट फाउंडेशन (LIF) ने आपल्या कॉर्पोरेट सोशल रिस्पॉन्सिबिलिटी (CSR) उपक्रमाअंतर्गत एटापल्ली तालुक्यातील हेडरी आणि मंगेर या दोन गावांमध्ये अत्याधुनिक रिव्हर्स ऑस्मोसिस (RO) जलशुद्धीकरण यंत्रणांची स्थापना केली. या यंत्रणांचे उद्घाटन नुकतेच करण्यात आले.
या उपक्रमाचा उद्देश स्थानिक ग्रामस्थांना वर्षभर स्वच्छ व सुरक्षित पिण्याच्या पाण्याची अखंडित सुविधा देण्याचा आहे.उद्घाटन समारंभ प्रसंगी पुरसलगोंदी ग्रामपंचायतीच्या सरपंच सौ. अरुणा सडमेक, LIFच्या संचालिका सौ. कीर्थी रेड्डी, तसेच भोलू सोमनानी, संजय चांगलानी, रोमित, डॉ. सलुजा; लॉइड्स मेटल्स अॅण्ड एनर्जी लिमिटेड (LMEL) चे मान्यवर श्री. टी. ए. भास्कर, श्री. सी. कुमारेशन, श्री. सुभाषिष बोस, श्री. साई कुमार, श्री. गणेश सेठी, श्री. अरुण रावत आणि श्री. सौरभ वालिया हे उपस्थित होते. या सोहळ्यात अनेक स्थानिक ग्रामस्थांनीदेखील उत्स्फूर्त सहभाग नोंदवला. आरओ युनिट्सचे उद्घाटन सरपंच व फाउंडेशनच्या संचालिकांच्या हस्ते पार पडले. याप्रसंगी नवीन जलशुद्धीकरण यंत्रणांमधून आलेल्या पाण्याचा पहिला घोट घेत मान्यवरांनी विश्वास व परिवर्तनाचे प्रतीक म्हणून एक सकारात्मक संदेश दिला. या उपक्रमाच्या माध्यमातून लॉइड्स इन्फिनिट फाउंडेशन ग्रामीण गडचिरोलीत दर्जेदार व आरोग्यदायी जीवनशैली घडवण्यासाठी आणि स्वयंपूर्ण समुदाय उभारण्यासाठी कटिबद्ध असल्याचे पुन्हा अधोरेखित झाले आहे.
—————————————–
—————————————–
