ग्लोबल गडचिरोली न्यूज,
गडचिरोली, ता. २४ : लॉयड्स मेटल्स अँड एनर्जी लिमिटेड (एलएमईएल) ने कोनसरी गावातील १९ महिलांना मध्य प्रदेशातील छिंदवाडा येथील अशोक लेलँडच्या सुविधेत हलके मोटार वाहन (एलएमव्ही) ड्रायव्हिंग प्रशिक्षण घेण्यासाठी पाठवून महिला सक्षमीकरणात एक नवीन अध्याय लिहिला आहे. एलएमईएल द्वारे प्रायोजित ४५ दिवसांच्या निवासी प्रशिक्षणासाठी या महिलांना घेऊन जाणाऱ्या बसला वरिष्ठ अधिकाऱ्यांनी हिरवी झेंडी दाखवली.
कोनसरीचे सरपंच श्रीकांत पावडे आणि एलएमईएल तसेच एलआयसीएलचे वरिष्ठ अधिकारी याप्रसंगी प्रामुख्याने उपस्थित होते. त्यांनी कोनसरी गावातील १९ महिलांना ४५ दिवसांच्या निवासी प्रशिक्षणासाठी छिंदवाडा येथील अशोक लेलँड सुविधेकडे घेऊन जाणाऱ्या बसला हिरवी झेंडी दाखवली. प्रशिक्षणार्थी आणि त्यांच्या कुटुंबातील सदस्यांना संबोधित करताना सरपंच पावडे यांनी गावातील महिलांसाठी कौशल्य विकासाचा एक नवीन मार्ग उघडल्याबद्दल लॉयड्स मेटल्सचे आभार मानले. महिलांना त्यांच्या सक्षमीकरणासाठी आणि त्यांच्या कुटुंबांच्या उन्नतीसाठी प्रशिक्षण संधीचा लाभ घेण्याचे आवाहन त्यांनी केले. याप्रसंगी मानव संसाधन अधिकारी म्हणाले की, लॉयड्स मेटल्स स्थानिक समुदायांच्या कौशल्य विकासावर आणि महिलांना सक्षम करण्यावर लक्ष केंद्रित करते. आमचे व्यवस्थापकीय संचालक बी. प्रभाकरन यांचा भर या प्रदेशाच्या सर्वांगीण विकासासाठी स्थानिक समुदायांना विकास प्रक्रियेत समाविष्ट करून घेत अधिकाधिक संधी उपलब्ध करून देण्यावर आहे, असेही ते म्हणाले. सरपंच पावडे, एलएमईएल आणि एलआयसीएलच्या वरिष्ठ अधिकाऱ्यांनी कोनसरी येथील लॉयड्स कौशल्य विकास आणि प्रशिक्षण केंद्रात प्रशिक्षणार्थी महिलांचा सत्कार केला. दरम्यान चामोर्शी येथील औद्योगिक प्रशिक्षण संस्थेतील (आयटीआय) २० विद्यार्थ्यांच्या पहिल्या तुकडीचे कोनसरी येथील लॉयड्स कौशल्य विकास आणि प्रशिक्षण केंद्रात ऑन-जॉब प्रशिक्षण नुकतेच सुरु झाले. प्रशिक्षण कार्यक्रमाच्या शेवटी या विद्यार्थ्यांना प्रमाणपत्रे मिळतील, ज्यामुळे त्यांना संबंधित व्यवसायांमध्ये करीअरच्या संधी उपलब्ध होण्यास मदत मिळेल. एलआयसीएल आणि लॉयड्स मेटल्स अँड एनर्जी लिमिटेड (एलएमईएल) च्या वरिष्ठ अधिकाऱ्यांनी ऑन-जॉब प्रशिक्षण कार्यक्रमातील सहभागींना संबोधित केले. त्यांनी विद्यार्थ्यांना संबंधित व्यवसायांमध्ये त्यांचे कौशल्य वाढविण्यासाठी ऑन-जॉब प्रशिक्षणाच्या संधीचा पुरेपूर वापर करून घेण्याचे आवाहन केले. ५ जुलै रोजी प्रशिक्षणाच्या शेवटी या विद्यार्थ्यांना एलएमईएलकडून प्रशिक्षण प्रमाणपत्रे मिळतील. ऑन-जॉब प्रशिक्षणाची दुसरी तुकडी १ सप्टेंबरपासून सुरू होईल. एलएमईएलने गडचिरोली जिल्ह्यातील ३५ सरकारी औद्योगिक प्रशिक्षण संस्थांना पत्र पाठवले आहे, की त्यांनी त्यांच्या विद्यार्थ्यांना प्रशिक्षण कार्यक्रमासाठी पाठवावे जेणेकरून त्यांना वेगवेगळ्या व्यवसायांचा प्रशिक्षणासोबतच प्रत्यक्ष अनुभव मिळेल.
————————-
