ग्लोबल गडचिरोली न्यूज,
गडचिरोली,ता. १६ : लॉईड्स मेटल्स अँड एनर्जी लिमिटेडच्या वतीने आयोजित गडचिरोली डिस्ट्रिक्ट प्रीमियर लीग (GDPL) यंदा प्रचंड उत्साहात रंगतदार टप्प्यावर पोहोचली आहे. संपूर्ण जिल्ह्याच्या क्रीडा रसिकांचे लक्ष लागून राहिलेल्या या स्पर्धेतील अर्ध-शेवटच्या आणि अंतिम सामन्यांचे वेळापत्रक जाहीर झाले असून ही स्पर्धा व आयोजक अंतिम फेरीसाठी सज्ज झाले आहेत.
या स्पर्धेतील पहिला अर्ध-शेवटचा सामना १६ मार्च २०२५ रोजी गडचिरोली हरिकेन्स विरुद्ध आहेरी सुपर किंग्स संघा दरम्यान झाला. दुसरा अर्ध-शेवटचा सामना १७ मार्च २०२५ गडचिरोली पोलिस कमांडो वॉरियर्स विरुद्ध चामोर्शी ईगल्स संघांमध्ये होणार आहे. त्यानंतर महाअंतिम सामना १९ मार्च २०२५ रोजी संध्याकाळी ४ ते ७ वाजेपर्यंत MIDC ग्राउंड, गडचिरोली येथे होणार आहे. या महाअंतिम सामन्यानंतर संध्याकाळी ७ वाजता विजेत्यांचा बक्षिस वितरण समारंभ होईल. त्यानंतर प्रसिद्ध गायक सोनू निगम यांच्या स्वरांनी नटलेला संगीतमय कार्यक्रम होणार आहे. गडचिरोली जिल्ह्याच्या क्रीडाप्रेमींनी कुटुंबासह उपस्थित राहून आपल्या आवडत्या संघाला प्रोत्साहन द्यावे आणि या शानदार सोहळ्याचा आनंद घ्यावा, असे आवाहन आयोजकांनी केले आहे.
