ग्लोबल गडचिरोली न्यूज,
गडचिरोली, ता. १२ : कौशल्य विकासातून महिला सक्षमीकरण आणि लैंगिक समानतेचा एक नवीन अध्याय लिहिताना लॉईड्स मेटल्स अँड एनर्जी लिमिटेड (एलएमईएल) ने कोनसरी गावातील १९ महिलांना वाहनचालकाचे प्रशिक्षण देऊन त्या कुशल वाहनचालक झाल्यानंतर त्यांना आपल्या कार्यबलात सामील केले आहे. हलके मोटार वाहन चालविण्याचे एलएमईएल-प्रायोजित प्रशिक्षण यशस्वीरित्या पूर्ण केल्यानंतर आता या महिलांना कंपनीत नोकरी मिळाली आहे.
याच वर्षी जूनमध्ये, एलएमईएलने कोनसरी गावातील १९ महिलांना मध्य प्रदेशातील छिंदवाडा येथील अशोक लेलँडच्या प्रशिक्षण केंद्रात हलके मोटार वाहन चालविण्याचे प्रशिक्षण घेण्यासाठी पाठवण्यात आले होते. ४५ दिवसांच्या निवासी कार्यक्रमादरम्यान, या महिलांना हलके मोटार वाहन चालविण्याचे कौशल्य प्रशिक्षण देण्यात आले. यामुळे त्यांचा आत्मविश्वासच नाही तर प्रतिष्ठेची भावनाही अधिक वृद्धिंगत झाली. या महिलांनी नवीन कौशल्य आत्मसात केल्यामुळे त्यांच्या कुटुंबातील सदस्यांनाही त्यांचा सार्थ अभिमान वाटला. कोनसरी येथील लॉईड्स कौशल्य विकास आणि प्रशिक्षण केंद्रामध्ये झालेल्या या समारंभात या महिलांना संबोधित करताना, एलएमईएलचे वरिष्ठ अधिकारी म्हणाले की, लॉईड्स मेटल्सने समुदाय सक्षमीकरणाला यशाचा आधारस्तंभ मानले आहे. एलएमईएलचे व्यवस्थापकीय संचालक बी. प्रभाकरन यांच्या उदात्त दृष्टिकोनात कौशल्य विकासाद्वारे स्थानिक समुदायातील महिलांचे सक्षमीकरण, कार्यबलात लैंगिक समानता सुनिश्चित करणे आणि महिलांना उत्तरोत्तर प्रगतीच्या नव्या संधी उपलब्ध करून देणे समाविष्ट आहेत, असेही ते म्हणाले. या महिला एलएमईएल परिवारात सामील झाल्यामुळे, त्यांच्या जीवनात प्रगतीचा एक नवीन अध्याय सुरू झाला आहे. शिस्त, सुरक्षितता आणि जबाबदारीद्वारे उच्च भूमिकांसाठी पात्रता मिळवून प्रगतीची शिडी चढण्याचा सल्ला एलएमईएलच्या वरिष्ठ अधिकाऱ्यांनी याप्रसंगी नवनियुक्तांना दिला. याप्रसंगी एलएमईएल परिवारात नवीन सामील झालेल्या या महिलांना नियुक्तीपत्रे, प्रशिक्षण यशस्वीरित्या पूर्ण केल्याचे प्रमाणपत्र, वाहनचालन परवाना आणि पुष्पगुच्छ देऊन स्वागत देण्यात आले.
————————————
