गडचिरोली: दि,३०,
रायपूर. बस्तर पोलिसांनी नारायणपूर जिल्ह्यातील सोनपूर पोलिस स्टेशन परिसरात पोलिस नक्षलवादी चकमक झाल्याची माहिती दिली आहे. बस्तर पोलिसांनी दिलेल्या माहितीनुसार, ही चकमक अबुझमाडला लागून असलेल्या नारायणपूर कांकेरच्या सीमावर्ती भागात झाली. या चकमकीत सर्व जवान सुरक्षित असून सात नक्षलवाद्यांचे मृतदेह सापडल्याचे पोलिसांनी सांगितले आहे.
बस्तर पोलिसांचा दावा – 7 नक्षलवाद्यांचे मृतदेह सापडले
नारायणपूर चकमकीत सात नक्षलवाद्यांचे मृतदेह सापडल्याची माहिती बस्तर पोलिसांनी दिली आहे. सोनपूर पोलीस ठाण्याच्या टेरामेट्टा आणि काकूर गावादरम्यानच्या जंगलात ही चकमक झाली. सकाळी ही चकमक झाली. पोलिस दलात डीआरजी नारायणपूर आणि एसटीएफचा समावेश आहे. बस्तर रेंजचे आयजी पी सुंदरराज म्हणाले – “दोन महिला माओवाद्यांसह सात माओवाद्यांचे मृतदेह सापडले आहेत. झडतीदरम्यान पोलिसांनी नक्षलवाद्यांच्या छावणीतून एके-47 सह मोठ्या प्रमाणात शस्त्रसाठा जप्त केला आहे. शोध मोहीम अजूनही चालू आहे.
