श्री बी. प्रभाकरन यांच्या दूरदृष्टीतून घडले कुशल व रोजगारक्षम युवक .
ग्लोबल गडचिरोली न्यूज,
गडचिरोली, ता. २९ : जिल्ह्याच्या सामाजिक–आर्थिक विकासात परिवर्तन घडवून आणण्याच्या उद्देशाने स्थापन करण्यात आलेल्या लॉयड्स मिशन फॉर ग्लोबल स्किल्स अँड एंटरप्रेन्योरशिप (LMGSE) ने ७७व्या प्रजासत्ताक दिनी एक महत्त्वाचा टप्पा गाठला. याप्रसंगी LMGSE च्या पहिल्या तुकडीतील प्रशिक्षणार्थींना प्रमाणपत्रांचे वितरण करण्यात आले. एकूण १९३ विद्यार्थ्यांनी ४५ दिवसांचा सघन कौशल्य विकास प्रशिक्षण कार्यक्रम पूर्ण केला, ज्यामुळे गडचिरोलीत उद्योगाभिमुख कौशल्य प्रशिक्षणाच्या नव्या पर्वाची सुरुवात झाली आहे.
LMGSE ची स्थापना ही लॉयड्स मेटल्स अँड एनर्जी लिमिटेडचे व्यवस्थापकीय संचालक बी. प्रभाकरन यांच्या दीर्घकालीन दूरदृष्टीचे मूर्त स्वरूप आहे. गडचिरोलीतील युवकांसाठी शाश्वत उपजीविकेच्या संधी निर्माण करण्यासाठी ते सातत्याने कटिबद्ध राहिले आहेत. स्थानिक तरुणांना सक्षम बनवून त्यांना उद्योगासाठी सज्ज करणे आणि जिल्ह्यात विकसित होत असलेल्या औद्योगिक परिसंस्थेशी त्यांची कौशल्ये संलग्न करणे, ही त्यांची प्रमुख संकल्पना आहे. आकांक्षा आणि रोजगार यांमधील दुवा म्हणून संकल्पित करण्यात आलेल्या LMGSE चे उद्दिष्ट तरुणांना व्यावहारिक, व्यावसायिक व जागतिक स्तरावर उपयुक्त कौशल्ये प्रदान करून कौशल्यातील तूट भरून काढणे आहे. एक मिशन-आधारित संकल्पना राबण्यात येत आहे. प्रमाणपत्र वितरण समारंभात प्रशिक्षणार्थींना संबोधित करताना बी. प्रभाकरन यांनी पहिल्या तुकडीचे अभिनंदन केले आणि त्यांचे औपचारिकरित्या लॉयड्स कुटुंबात स्वागत केले. गडचिरोलीला ‘भारताचे दुसरे जमशेदपूर’ बनवण्याच्या आपल्या संकल्पनेचा पुनरुच्चार करत सांगितले की LMGSE अंतर्गत मिळालेले प्रशिक्षण व प्रमाणपत्र विद्यार्थ्यांच्या उज्ज्वल भविष्यासाठी आणि विविध उद्योगांमध्ये रोजगार मिळवण्यासाठी महत्त्वाची भूमिका बजावेल. हे प्रशिक्षणार्थी केवळ रोजगारासाठी सज्ज नाहीत, तर केंद्रित कौशल्य विकास, संधी आणि विश्वास यांच्या बळावर गडचिरोलीसारख्या जिल्ह्याचे भवितव्य कसे बदलू शकते, याचे ते प्रतीक आहेत, श्री प्रभाकरन यांनी लॉयड्स मेटल्स अँड एनर्जी लिमिटेडच्या कर्मचारी समभाग मालकी योजना (ESOP) विषयी माहिती देत सांगितले की, या योजनेअंतर्गत कर्मचाऱ्यांना कंपनीचे समभाग दिले जातात, ज्यामुळे ते कंपनीच्या प्रगतीचे भागीदार बनतात , असेही ते म्हणाले. या कार्यक्रमाला जिल्हाधिकारी अविश्यंत पंडा म्हणाले की LMGSE या उपक्रमाच्या माध्यमातून स्थानिक युवकांच्या कौशल्य विकासासाठी राबविण्यात येत असलेल्या कार्याबद्दल श्री पांडा यांनी लॉयड्स मेटल्स अँड एनर्जी लिमिटेड तसेच कंपनीचे व्यवस्थापकीय संचालक श्री बी. प्रभाकरन यांचे विशेष कौतुक केले. ते म्हणाले की, श्री बी. प्रभाकरन यांच्या दूरदर्शी नेतृत्वाखाली LMGSE च्या पहिल्या तुकडीतील तब्बल १९३ प्रशिक्षणार्थींना यशस्वीरीत्या कौशल्य प्रशिक्षण देऊन थेट कंपनीत रोजगाराच्या संधी उपलब्ध करून देण्यात आल्या आहेत, ही बाब अत्यंत कौतुकास्पद असून जिल्ह्यासाठी अभिमानाची आहे.
LMGSE सारखे उपक्रम केवळ रोजगारनिर्मितीपुरते मर्यादित नसून, स्थानिक युवकांना सक्षम बनवून त्यांना स्वावलंबी करण्याचे महत्त्वपूर्ण कार्य करत आहेत, असे मतही श्री पांडा यांनी व्यक्त केले. , गडचिरोली एक महत्त्वाचे गुंतवणूक केंद्र म्हणून वेगाने उदयास येत आहे. सुमारे ३ लाख कोटींची गुंतवणूक येथे होत आहे, ज्यामुळे स्थानिक युवकांसाठी मोठ्या प्रमाणावर रोजगारनिर्मिती होणार आहे. युवकांना कौशल्य प्रशिक्षण व शाश्वत रोजगार देणाऱ्या संस्थांशी जोडणे हे जिल्हा प्रशासनाचे प्रमुख उद्दिष्ट असल्याचे त्यांनी नमूद केले.
या कार्यक्रमात प्रशिक्षण पूर्ण केलेले प्रशिक्षणार्थी मनोगत व्यक्त करताना म्हणाले की, या प्रशिक्षण कार्यक्रमाच्या माध्यमातून आम्हाला केवळ तांत्रिक ज्ञानच नाही, तर कार्यकुशलता, कामातील सुरक्षितता आणि आत्मनिर्भर बनण्याचे मोलाचे धडे दिले गेले.
या प्रशिक्षणामुळे आम्ही शिस्तबद्धपणे काम कसे करावे, आधुनिक यंत्रसामग्रीचा योग्य वापर कसा करावा, तसेच सुरक्षिततेच्या नियमांचे काटेकोर पालन का आवश्यक आहे, हे प्रत्यक्ष अनुभवातून शिकलो. यामुळे आमच्यात आत्मविश्वास निर्माण झाला असून, आता आम्ही कोणत्याही जबाबदारीला सामोरे जाण्यास सक्षम झालो आहोत.
विशेष म्हणजे, हे प्रशिक्षण आम्हा गडचिरोली जिल्ह्यातील बेरोजगार युवकांसाठी एक सुवर्णसंधी ठरली आहे. रोजगाराच्या शोधात असलेल्या आम्हाला योग्य दिशा, कौशल्य आणि भविष्याचा विश्वास या उपक्रमामुळे मिळाला आहे. या कार्यक्रमाला लाॅयड्स मेटल्स अॅंड एनर्जी लिमीटेडचे अधिकारी, कर्मचारी व प्रशिक्षणार्थी मोठ्या संख्येने उपस्थित होते,
