ग्लोबल गडचिरोली न्यूज,
गडचिरोली, ता.२७ : एटापल्ली तालुक्यातील जाजावंडी येथील जिल्हा परिषद उच्च प्राथमिक शाळेचे शिक्षक मंतैय्या बेडके यांना राष्ट्रीय शिक्षक पुरस्कार जाहीर झाला आहे.
जिल्हा परिषदेच्या मुख्य कार्यकारी अधिकारी आयुषी सिंह तसेच शिक्षणाधिकारी बाबासाहेब पवार, जिल्हा शिक्षण व प्रशिक्षण संस्थेचे प्रभारी प्राचार्य धनंजय चापले यांनी शिक्षक बेडके यांचे अभिनंदन केले आहे. महाराष्ट्रातील दोन शिक्षकांना हा राष्ट्रीय पुरस्कार जाहीर झाला असून त्यात कोल्हापूर येथील सागर बगाडे व गडचिरोली जिल्ह्यातील एम. ए. बी. एड. असलेले मंथय्या बेडके यांचा समावेश आहे. ५ सप्टेबर रोजी दिल्ली येथे आयोजित कार्यक्रमात शिक्षक बेडके यांना रजत पदक व ५० हजार रोख पुरस्कार देऊन सन्मानित करण्यात येणार आहे.
