ग्लोबल गडचिरोली न्यूज
गडचिरोली(Gadchiroli), ता. १० : शहरातील स्वच्छता व आरोग्य व्यवस्थेला बळकटी देण्यासाठी नगराध्यक्ष ॲड. प्रणोती निंबोरकर यांच्या पुढाकारातून नालीसफाई विशेष मोहिमेला उत्साहात सुरुवात करण्यात आली. मोहिमेच्या पहिल्याच दिवशी प्रभाग क्रमांक ५, विवेकानंद नगर येथे प्रत्यक्ष कामाला प्रारंभ करण्यात आला. शहर स्वच्छ, निरोगी आणि सुंदर ठेवण्याच्या उद्देशाने राबवण्यात येणाऱ्या या उपक्रमात स्थानिक प्रशासन व लोकप्रतिनिधी सक्रिय सहभाग घेत आहेत. नगराध्यक्ष ॲड. प्रणोती निंबोरकर यांनी स्वतः उपस्थित राहून नालीसफाई कामांची पाहणी केली व संबंधित अधिकाऱ्यांना आवश्यक सूचना दिल्या.
यावेळी नगरसेवक सागर निंबोरकर तसेच नगरसेविका सीमाताई कन्नमवार यांचीही प्रमुख उपस्थिती होती. परिसरातील नाल्यांची स्वच्छता, अडथळे दूर करणे व साचलेला कचरा हटविण्याच्या कामाचा आढावा घेण्यात आला. नगराध्यक्ष प्रणोती निंबोरकर यांनी नागरिकांशी संवाद साधत स्वच्छतेचे महत्त्व अधोरेखित केले. “स्वच्छता हीच खरी सेवा” या भावनेतून प्रत्येक नागरिकाने आपला परिसर स्वच्छ ठेवण्यासाठी सहकार्य करावे, असे आवाहन त्यांनी केले. तसेच नाल्यांमध्ये कचरा टाकू नये, प्लास्टिकचा वापर टाळावा, अशी जनजागृतीही करण्यात आली. प्रभाग क्रमांक ५ पासून सुरू झालेली ही विशेष मोहीम टप्प्याटप्प्याने संपूर्ण शहरात राबविण्यात येणार आहे. पावसाळ्यापूर्वी सर्व नाल्यांची सखोल स्वच्छता करून नागरिकांना सुरक्षित व स्वच्छ वातावरण उपलब्ध करून देण्याचा प्रशासनाचा मानस आहे.
नगराध्यक्ष प्रणोती निंबोरकर यांच्या नेतृत्वाखाली गडचिरोली शहर स्वच्छतेच्या दिशेने ठोस पावले उचलत असल्याचे स्पष्ट होत असून, या उपक्रमाचे नागरिकांकडून स्वागत केले जात आहे.
#गडचिरोली #GadchiroliNews #GlobalGadchiroliNews #विवेकानंदनगर
#नालीसफाईमोहीम #स्वच्छताअभियान #SwachhGadchiroli #CleanGadchiroli
#प्रणोतीनिंबोरकर #LocalPolitics #Nagarpalika #MunicipalWork
#Ward5 #CityDevelopment #UrbanGovernance #PublicHealth
#MonsoonPreparation #CleanIndia #SwachhBharatMission
#GroundReport #LocalLeadership #CivicIssues #DevelopmentWork
———————————————-
